Со големо задоволство ве информираме за ПОБЕДНИЦИТЕ НА ХАКАТОНОТ „ПАМЕТНО СО ПОДАТОЦИ“ во организација на Националниот центар HPC.mk.

Најуспешните решенија беа изготвени од студенти од 3та и 4та година при Факултетот за информатички науки и компјутерско инженерство (ФИНКИ).

ПРВО МЕСТО – Решение „Helio Solution“ кое поддржува и мотивира зголемено користење на енергија од обновливи извори, изработено од тимот во кој учествуваа:

– Ристо Трајанов
– Иван Крстев
– Ангела Кралевска
– Елена Стефановска

ВТОРО МЕСТО – Решение „Open Traffic Eye“ кое придонесува за подобрување на сообраќајните гужви, изработено од тимот во кој учествуваа:

– Мартин Поповски
– Томислав Игњатовски

🏆 НАГРАДИ ЗА ПОБЕДНИЦИТЕ

Прва награда: 1500ЕУР
Прва награда: 1000ЕУР

ЦЕЛТА НА ОВОЈ ХАКАТОН

Целта на овој хакатон беше да инспирираме отворени иновации и да се предложат, дизајнираат и имплементираат иновативни и паметни решенија за мониторирање, оптимизација и управување со енергетски ресурси, потрошувачка, производство, климатски промени, преку користење на различни јавно достапни податоци од различни извори со помош на постоечки или нови пристапи кои користат вештачка интелигенција и/или решенија за големи податоци и пресметување со високи перформанси.

Жири комисијата беше составена од:

1. Иван Чорбев, Декан на Факултетот за информатички науки и компјутерско инженерство (ФИНКИ)
2. Ирена Чаушевска Даниловска, Chief Executive Officer, NewMan’s Business Accelerator
3. Елизабета Тренчовска, Chief Finance Officer, Infinite Solutions

Им честитаме на наградените, и повикуваме што поголем број студенти и млади професионалци да се вклучат во следните предизвици што ќе бидат организирани.

EuroCC проектот, во чии рамки беше реализирана и оваа активност, има за цел зголемување на свесноста и примената на овие технологии во работењето на различни ентитети од индустријата, академијата и јавната администрација.

Партнери за воспоставување на Националниот центар за компетентност за HPC (High Performance Computing) во Северна Македонија се: Факултет за информатички науки и компјутерско инженерство (ФИНКИ), Infinite Solutions и NewMan’s Business Accelerator.

Повеќе информации на: www.hpc.mk