Со учество на 18-тата интернационална конференција ICT Innovations 2026, која се одржа во Струга, тимот на EuroCC North Macedonia – Национален центар за компетенции за HPC, HPDA и AI ги претстави можностите за поддршка на индустријата и академскиот сектор во примената на современи дигитални технологии.

Во рамки на работилницата „UKIM Initiatives supporting industry with digital transformation, high-performance computing and access to EIT funding opportunities; and How DigitMAK and EIT stipulate industry development“, тимот на EuroCC North Macedonia имаше свое излагање и ги претстави можностите и услугите достапни преку EuroCC проектот во Република Северна Македонија.

На учесниците им беа претставени:

• ✅ Мапирање на техничките компетенции во областа на HPC и HPDA
• ✅ Централизиран пристап до научна и техничка експертиза
• ✅ Соработка со индустријата, академијата и јавните институции
• ✅ Бесплатна стручна поддршка при идентификација и дефинирање на технолошки предизвици
• ✅ Бесплатни обуки и развој на Proof of Concept решенија
• ✅ Експертска поддршка и пристап до HPC и HPDA инфраструктура
• ✅ Размена на добри практики и информации за можности за финансирање преку релевантни фондови и програми

Учеството на ICT Innovations 2026 беше можност за споделување знаења, поврзување со претставници од академијата и индустријата и отворање нови можности за соработка во областа на дигиталната трансформација, високоперформансното пресметување и напредната анализа на податоци.

Им благодариме на организаторите на конференцијата за поканата, како и на сите учесници кои се приклучија на работилницата и активно учествуваа во дискусијата.

Имате предизвик со податоци или процеси што можат да се забрзаат или оптимизираат со примена на HPC и HPDA технологии?

Контактирајте го EuroCC North Macedonia и дознајте како можеме да ви помогнеме. Услугите и поддршката се достапни бесплатно.